د لوړو زده کړو وزارت ځانګړې رهبري شورا ناسته د اسلامي ثقافت ملي کنفرانس څنډه کې، په کندهار پوهنتون کې ترسره شوه

https://www.facebook.com/share/p/18Mqtk7BvS/

د لوړو زده کړو وزارت ځانګړې رهبري شورا ناسته د اسلامي ثقافت ملي کنفرانس څنډه کې، په کندهار پوهنتون کې ترسره شوه

د لوړو زده کړو سرپرست وزیر محترم شیخ الحدیث مولوي نداء محمد ندیم په مشرۍ د یاد وزارت رهبري شورا ناسته کې د مرکزي ادارو رییسانو تر څنګ، د امارتي تحصیلي نهادونو رییسانو هم ګډون درلود.

په پیل کې د لوړو زده کړو سرپرست وزیر دغه شورا ځانګړې وبلله او ویې ویل چې ګډونوال به یې د افغانستان د تحصیلي نظام د خیر او پرمختګ لپاره خپل نظرونه او مشورې سره شریکې کړي.

محترم شیخ صاحب وویل: «د انسان فطرت دی چې په چارو کې ورځ تر بلې پرمختګ کوي او لاسته راوړنې لري او دا هغه وخت شونې ده، چې د هرې برخې مسوولین خپلو مسوولیتونو ته متوجه وي او اخلاص ولري.»

د لوړوزده کړو سرپرست وزیر د پوهنتونونو رییس صاحبان لومړني مسوولین یاد کړل او زیاته یې کړه چې هغوی باید د پوهنتونونو ستونزې په ګوته او له موږ سره شریکي کړي، څو په خپل وخت رسېدنه ورته وشي.

دغه راز نوموړي د سیاسي نظام په اړه د شورا د غړو په لا ښه پوهاوي، د ا.ا.ا د مشرتابه فرامینو ته جدي پاملرنې، د بې ځایه لګښتونو مخنیوي او د استادانو په ظرفیت لوړونې ټینګار وکړ او په اړه یې د جدي اقداماتو غوښتنه وکړه.

دغه راز له اجنډا سره سم د امارتي پوهنتونونو د ماسټري او دوکتورا برنامو د ازموینې پر لارښود د هېواد په کچه د خاورې د حاصلخېزۍ نقشې جوړولو، په بېلا بېلو ادارو کې محصلینو ته د عملي کارونو زمینې برابرولو او ورته یو شمېر نورو اړینو موضوعاتو د شورا د ګډونوالو تر منځ بحث او نظرونه وړاندې شول او اړینې پرېکړې وشوې.